سؤال مهم للجميع ؟؟

موضوع: سؤال مهم للجميع ؟؟ 11/7/2009, 10:10 pm

الى كل الاعضاء ... سؤال مهم جدا ... واللي بيعرف يجاوب عليه بشكل كامل له جائزة من المنتدى
والسؤال بيقول ؟؟؟

كيف تعرف الشخص الفلسطيني من بين سكان العالم ؟؟؟

زائر

بسم الله الرحمن الرحيم

بيفهم في الطب وبيشخص المرض وبيوصفلك الدوا وبيفهم في الكهربا وتصليح السيارات والطبخ والسياسة والقانون والواجب و الدين و الحسابات والكورة وهو أبيض ياورد .

*بيحط الريموت كونترول في كيس نايلون حتى ما يتغبر ولا يضيع

* بس يقعد يتفرج على التلفزيون بيضل ينقل من محطة لمحطة كل دقيقة
*بيوقف يتكلم على الباب نص ساعة بعد إنتهاء الزيارة والسلام
*في خزانة المطبخ عنده عشرين مرطبان مربى فاضي منشان اذا احتاج يستخدمها ومازال مُصِر على جمع المزيد
*ييجي بعد الموعد بساعة وربع دون ان يعتذر.
*يتكلم بصوت عالي في المكالمة الدولية منشان التاني يسمعه .
بيعتبر حاله أفضل واحد في الشراء والمفاصلة ثم يكتشف إن الشي في المحل اللي جنبه أرخص من غير مفاصلة.
*بيحتفظ بأكياس محلات اللبس والأحذية وورق الهدايا تحت فرشة التخت لسنوات
هههههههههههههههههههه
هاى قصة الفلسطينى
تحياتى
دموع القمر

زائر

اها صراحة انا بعرف الفلسطيني من الشكل يعني بيكون لا ابيض ولا اسود قمحي ومن طريقة الكلام والعصبية اللى في لان اصل الفلسطينيين عصبيين وحتى من الصوت العالي لما يزعق على شخص او يحكي مع اي حد وكمان من طريقة التعامل لما اي حد بيحتاج من شخص فلسطيني شي حتى لو ما كان يعرفو بيحاول انو يساعد وبس

موضوع: رد: سؤال مهم للجميع ؟؟ 12/7/2009, 2:22 pm

الفلسطيني معروف من طريقه كلامو وطريقه تعاملو مع العالم والناس
وكمان عندو صبر اكثر من العالم الثاني وبنام بدري هههههههههههههههههههه
وفي ازمه السيارات اكثر واحد بزمر وبصرخ على القدامو وذا واحد اطلع صوتو عليه بقعد يهدد ويعرض في عضلاتو
وكثر مشاكلهم على قصه الزواج وخصوصا بنات العم واولاد العم
وكثر ناس بتحاربو وبحكو على بعض من وراهم
والعجايز في السوق بتكون حاطه سله فوق راسها هههههههههههههههههه
والختيار حاط الحطه والعقال على راسو
ومن كل اشي حلو بندش يعني اذا شاف مثلا جمل كانو عمرو ما شاف جمل او اذا راح رحله بقعد سنه وهو يحكي عنها ههههههههه
او اذا صار حادث الكل بتهرجم على الحادث
ودايما يحكو في السياسه والوضع والمعيشه
ومشهورين في الكرم وفي العزايم
وكثر ناس بحبو العلم والتعليم
ودايما عليهم دين
وكثر عندهم سيارات شطب هههههههههههههههههههههههههههههههه
اغلى سياره الفين شيكل ههههههههه
والناس بتوخد للمريض ورده بمناسه الشفى
الفلسطينيه بوخذو عصير او بسكوت او جاجه ههههههههههههههههههه
بتشوفو في اللبس الواحد اكثر من عشرين مره
وما بلبس البدله الى في العرس او في مناسبه هههههههه
وكثر ناس بقعدو في الطرقات
وكمان تلاقيه بفهم في كل اشي اي شغله بشتغلها بيدو
والله يعين اهل الدكاكين عليهم وخصوصا النسوان بتطلع روحو منهن

وفي الهم مواصفات كثير
ومن اهم مواصفاتهم الكرم والزرم
وحنا بنفتخر انو احنا اولاد فلسطين

موضوع: رد: سؤال مهم للجميع ؟؟ 12/7/2009, 4:57 pm

طبعا بينعرف من بين كل الناس اولا دمهم حااااااااامي يعني عصبيين كتير وما بيخلو حد يغلط عليهم كلمة حسب ما بشوف عندنا

اغلب كلامهم مسموع يعني الناس التانية بيخافو منهم وبيسموهم اهل الحجارة ههههههه مع انو احلى شي
عيونهم بيكون فيها لمعة معينة متل الشرار
بيكون مبين على وجوههم الحرب والشقاء يعني لو تيجي لاهل العراق متلا ما بتلاقي وجوههم متل الفلسطينية لانهم ما بفكرو بالحرب ابدا نحنا همنا كلو الارض وبس
يعني هيك شي وعندهم لون معين بالوجه سبحان الله بينعرفو من الادب والله

موضوع: رد: سؤال مهم للجميع ؟؟ 13/7/2009, 1:14 pm

صيف اشتا لابس الحطة الفلسطينية( الرقطة)
معوش ولا اثبات شخصية
لما يسب بقول يلعن ابو اليهود

موضوع: رد: سؤال مهم للجميع ؟؟ 13/7/2009, 2:35 pm

انا بعتقد انو ما في شي بميز الفلسطيني عن غيرو من العالم يمكن الشغله الوحيده يلي بتميزنا عن هالعالم انو احنا الناس الوحيدين الا ما النا لادوله معترف فيها ولا علم نرفعه بحريه
مع تحياتي نغوووم

موضوع: رد: سؤال مهم للجميع ؟؟ 13/7/2009, 7:05 pm

والله أنا ما بعرف أميز بين الفلسطيني واللي مش فلسطيني

المهم بالأخر كل الناس خير وبركة Laughing

يسلموووووو عالموضوع الحلو

lol!

زائر

كل شاب فلسطينى يرفع راسه لفوق ويفتخر
يكفينا فخر بأن الله اختارنا فى ارض الرباط دون الاخرين
أليس هدا يكفى
يكفى الشاب الفسطينى هو أول من قابل السلاح الطاغى بالحجر
ويكفينا أطفالنا الابطال مثال فارس عودة قابل بحجر دبابة
صح الشاب الفسطينى يوجد عنده بعض الاخطاء لكن أخطائه تكون شرف للأخرين
أدا الجميع تحدثو عن الصمود فاعلم انهم يتحدثون على فلسطين أدا تحدثو عن ابطال فأعلم انهم رجال فلسطين أدا تحدثو عن الشهداء فأعلم انهم رجال فلسطين
تحياتى
تقبلو مرورى العحيب

موضوع: رد: سؤال مهم للجميع ؟؟ 19/7/2009, 1:25 pm

اول شي لازم يكون حاطط الحطه الفلسطينيه وثاني شي لازم بكل مطار اوحدود اخر واحد بتخلص معاملته واول واحد بينطلب باي مصيبه بتصير بالعالم وسماته الشموخ والانفه يعني ما بحطها واطيه لحد ولازم يكون عنده سي دي لمارسيل حليفه ويكون عنده ملصق لحنظله ويكون عنده صوره لعرفات او تشي جيفارا اوالشيخ ياسين اوعايف حاله ومش طايق حداواخر واحد بسمحوله يدخل لاي دوله وتسعين بلميه منهم عنوانه المخيم واول شخص بينطرد من اي مكان بلعالم لاتفه سبب واكتر واحد براجع المخابرات في كل العالم وبيدخل الدوائر الحكوميه وبيطلع منها بدون نتيجه يعني هاي بعض الامور اكيد في اشياء كثيره بس هاد الي طلع معي

موضوع: رد: سؤال مهم للجميع ؟؟ 7/8/2009, 1:01 am

الفلسطيني نوعين:

النوع الاول بكون بحاول يعمل لنفسو وطن بأي مكان ببيتو او بالسيارة او القطار او الحديقة بحاول ما يسوي مشاكل علشان ما ينطرد من المكان الي هو في لانه يا حسرة ما الو ضهر يحمي ودايما مدبر امورو بنفسو ما بشتغل بالحكومة بس اشغال خاصة وادا كان طالب عمرو ما كان معه منحة بكون طالع ومتوكل على الله.

النوع التاني بعض "وعلشان الاخ الصوت الجريح ما يزعل اضفت كلمة بعض"الفلسطينيين بكونو شغالين بالسفارات الفلسطينية خارج فلسطين طبعا براطيمهم كبيرة من السكر والمخدرات بتعرفو لانو يا بدور على بنات يا بطردك من السفارة لما تيجي تطلب مساعدة لانك طالب مع معك نكلة وبقلك انت مين واصتك. بكون هيك اسمر وعينو بتلمع من الحمار لانه دوما سكران بكون لابس بدلة سودة وراكب سيارة مرسيديس اخر موديل والشئ التاني الي عن طريقو بتتعرف عليه منو هو انو بدخل بالشباب الفلسطيني برا البلد بدو يحاول يجمع اي معلومات عنهم او حتى عن الشباب العربي ليش ولمين هالمعلومات
بنعرف يوم القيامة

موضوع: رد: سؤال مهم للجميع ؟؟ 7/8/2009, 1:44 am

اول شى انا اعترض على كلامك ماير على وصفك لشعب الفلسطينى او انك تقيمو بانو شعب تاع سكر وخمر وبنات اذا هاى الصفه موجوده فيك فلا تحكم على الشعب الفلسطينى بمثلك لانو الشعب الفلسطينى شعب عانى ولو انت حسيت بالمعناه الى عناها الشعب الفلسطينى كان ما حكيت عليه بهاى الطريقه الشعب الفلسطينى شعب مجاهد ضحى بالشباب شعب ناضل داق الم ما راح يتصكع فى الخارج شعب جبار زى ما قال ابونا ابو عمار وعيب عليك تحكى عن الشعب الى ضحى هيك مع احترامى لكل الاعضاء والمدير انت الى بتوصف حالك بس احنا مو هيك احنا شعب محترم والكل بيعرفو شعب مضحى مجاهد يا ريت لا تزاود على هاد الشعب وكل احترامى وتقديرى لشعب الفلسطينى ولابونا ابو عمار ومعلمنا وشكرا
وبعتزر لكل الاعضاء والمدير على كلامى
ومع احترمى الك عدل حالك اول وبعدين احكى على الاخرين واسف على كلامى ما حكيتو الى من حرقت دمى على شعبى

-------------------------------------------------------------------------------------------
الشعب الفلسطينى مرسوم على جبينو وسام الشرف وافتخر انى فلسطينى لانى تاج على روس كل العرب
--------------------------------------------------------------------------------------------

ان لم تكن عرفاتيا فانت ليس فلسطينيا

موضوع: رد: سؤال مهم للجميع ؟؟ 7/8/2009, 2:18 am

يا اخ صوت جريح مفروض استنيت شوي لحد ما هديت اعصابك وبعدين كتبت

انا ما بزعل منك مهما شتمتني واتهمتني باني سكرجي ومش عارف شو هادا رأيك ما بزعل منك لانك معصب وهيك حكي المعصبين.

اما لكلامك فكلو تناقضات انا ما حكيت عن الشعب الفلسطيني بالداخل واذا فكرت شوي بتعرف طبعا لانو السؤال كيف بتتعرف على الفلسطيني والي مش مبين بالسؤال انو بخارج فلسطين لانو بالداخل شو فايدة التعرف على الفلسطيني مهو فلسطيني واحنا عارفين هي وحدة

علشان هيك صنفتهم برأيي لنوعين النوع الاول هو النوع الغلبان زي حلاتنا والنوع التاني هو نوعية شغالة بالسفارات قلت انا ووصفتهم وانا ماغلطت ليش عصبت علي يعني كم في فلسطيني شغال بالسفارات الفلسطينية اكيد قليل يعني انا بس تكلمت عن النوعية الاولى وما جبت سيرتهم بالعاطل أما التانية كانت النوعية الشاذة نوعية السفلة الي انا الي معاهم تجارب هادول الي حاطيتهم السلطة مع اني طبعا مش ضد السلطة واكيد مش كل شغالين السفارات هيك بس تكلمت بصيغة الجمع

فيا سيد صوت جريح تسرعت بجوابك وشو دراك اني انا مش من الداخل او اني ما ناضلت او كافحت او حسيت بالمعاناة بس فكر بالكلام الي بتقرأه هدا بس نصيحة مني وكل واحد الو رأيه مش معناها انو كفر علشان رأيه مش زي رأيك

وانشالله انك تفهمني صح الحين انا ما بهمني شو حكيت عني هذا اشي طبيعي ادا الواحد عصب بتصير هاي الشغلة مش مشكلة وانشالله كل اشي تمام وماشالله دمك حامي زي ما قالو الشباب

موضوع: رد: سؤال مهم للجميع ؟؟ 7/8/2009, 2:44 am

معلش حتى لو الى فى الخارخ متل ما بتقول بضلو فلسطينين وبخصونا ومش لازم تحكى عليهم بهادى الطريقه بضل الدم واحد وسمعت الشعب الفلسطينى فى الداخل او الخارج بتاثر علينا لانو بضل شعب مناضل ان كان فى الداخل او الخارج ان كان فى بنظرك واحد عاطل ما تحكم على الكل لانهم الى خارج البلد بمثلو البلد برضو وهم بضحو بكفى بعدهم عن بلدهم وشو الى اطلعم غير انهم مش قادرين يعيشو او ليحسنو من مستواهم الاجتماعى وانا مش معصب ولا شى ان كان فى الداخل او الخارج كلنا ولاد ناس وشعب مناضل كل الفدائيه كانو بالخارج وفى المبعدين اجبارى عن بلدهم انت حكمت على كل الى بالخارج بالسكر وانهم تبعون بنات مش لازم تحكى على ابناء شعبك هيك ابو عمار كان فى الخارج وابو جهاد وصلاح خلف وغيرهم من الفدائين كل الشعب الفلسطينى مجاهد ومناضل ومع احترامى لكل ابناء شعبى حتى الى اذونى وكل احترامى الهم احنا كلنا اخوه وشكرا الك على تعليقك واتمنى من الله انو يغير رايك فى الشعب الفلسطينى وما تحكم عليه بهيك حكم او تشوه من سمعت الشعب الفلسطينى ها هم ابناء فلسطين

------------------------------------------------------------------------------

-------------------------------------------------------------------------------

ان لم تكن عرفاتيا فانت ليس فلسطينا

موضوع: رد: سؤال مهم للجميع ؟؟ 7/8/2009, 3:15 pm

يا شباب نحناهون لنعطي راينا بالشاب الفلسطيني او الفتاه وكيف بنعرفهم

وطبعا اخ ماير غلطان ما بيصير نحكي هيك عن شعبنا لازم نفتخر ولو كان في متل مابتحكي يا ماير بيكون بس بنسبة واحد بالمية من اصحابك يلي انت معهم ومن يلي بتعرفهم
فيا ريت لا تحكم وتحكي هيك كلام
وما بدنا عصبية يا شباب نحنا هون لنوخد الاراء مش اكتر اوك

موضوع: رد: سؤال مهم للجميع ؟؟ 7/8/2009, 6:28 pm

الهدوء يا شباب وانا قبل هيك حكيت كبروا عقلكم والاخ لم يقصد الاساءة وكل شعوب الدنيا لديها الصالح والطالح واما مقولة ان لم تكن عرفاتيا فلست فلسطينيا مع احترامي للجميع فانت مخطا تماما فكل من قدم دمة رخيص في سبيل فلسطين هو الفلسطيني الحقيقي ايا كان انتمائة وميولة السياسيه وبصراحه انتم اعطيتوا الجواب كيف تعرف الفلسطيني؟؟؟

موضوع: رد: سؤال مهم للجميع ؟؟ 7/8/2009, 6:52 pm

انت قلتى بالكوفيه انا معك اختى بالكلام ومين الى خلى العالم كلو يعرف الكوفيه ومين الى حمل اسم القضيه هو ابو عمار مع احترامى لكل التوجهات السياسيه هو الى اعلن الدوله بكوفيتو خلى العالم يعرفو انو فلسطينى وشكرا الك واحترم رايك وراى الاخرين

-----------------------------------------
فلسطينى وافتخر بدون اى حزبيه

موضوع: رد: سؤال مهم للجميع ؟؟ 7/8/2009, 7:41 pm

شكرا يا للصوت الجريح وهيك بدي اياك تكون هادي وترد ردود منطقيه شكرا