هل انت مع او ضد؟؟؟؟؟؟؟؟؟

[[الاغتصاب هو جرم بحق المجتمع والضحيه ولكن ماهي العقوبه تتراوح العقوبه اليكم بعض احكام القوانين السارية في معظم الدول العربية
(
تعريف المغتصب -هو من أكره " غير زوجته " بالعنف أو التهديد على الجماع ..ويعاقب المغتصب بالأشغال الشاقة ل 15 سنة على الأقل أو 21 سنة إذا كانت الضحية قاصرا تحت ال 15 من العمر....

1-تشدد بمقتضى أحكام المادة 247 "من الثلث إلى النصف "
-إذا اقترفها شخصان أو أكثر اشتركوا في التغلب على مقاومة المعتدى عليها أو تعاقبوا على إجراء الفحش بها ....
-إذا أصيبت المعتدى عليها بمرض الزهري أو بأي مرض آخر
-أو كانت المعتدى عليها بكرا فأزيلت بكارتها
2-إذا أدت إحدى الجنايات السابق ذكرها إلى موت المعتدى عليها ولم يكن الفاعل قد أراد هذه النتيجة فلا تنقص العقوبة عن 15 سنة.

وهنا نأتي إلى بيت القصيد

...عندما يعقد مرتكب جريمة الأغتصاب عقد زواج صحيح مع الضحية لا يستفيد المغتصب من عذر بل فقط توقف إجراءات الملاحقة ضده
وإذا كان قد صدر حكم بالقضية علق تنفيذ العقاب الذي فرض عليه مع اعتبار الفاعل مجرما دائما

اصدقائي
الماده الاخيرة أسقطت تنفيذ العقوبه عن المجرم ان تزوج بالضحيه وهناك مدة 5 سنوات لا يجب التطليق قبلها والا نفذ الحكم
وهو ما ستلجأ اليه الضحية التي يمكن ان لا تملك خيارا بضغط من اهلها خوفا من المجتمع وكلام الناس ومعاملة الناس لها لانم لن يروها غير مغتصبه
اي اننا نزوجها من مغتصبها ليغتصبها كل يوم وتحت ظل القانون نقدم له هدية على ما قام به تاركا في نفسها جرحاً لن يلتئم
فهل تملك الضحيه خياراً اخر هذا ان لقيت من يسمعها من اهلها ولم يقتلوها بدافع جرائم الشرف

ما رأيكم بهذه القضية سواء قانونيا ام اجتماعيا [/b][/b]

والله انا بشكرك اول اشي علا طرحك لهذة القضيه الحساسه وانا رأي القانون ليس عادل بهذا الموضوع فالأعدام هو العقوبه الواجبه اما اجتماعيا فأنا ضد زواج البنت من مغتصبها وبشدة وهذة قمه الذل والاهانه للمرأة

انا برأيي انو تعريف المغتصب غلط مفروض من اكره اي احد على الجماع او خلافه.

القانون هاد من وين جاي هو اصلا هاد القانو داخل ببعضو لنو المجرم مجرم لأنو قام بالفعل يعني ما في فايدة من الزواج حتى لو كانت تحبو يا اخي مش اغتصب انسانه مفروض يكون في حق عام هون .

يعني هاد زي الواحد الي بقتل انسان وبحكي ما تعدموني رح اصحي من الموت استنو شوي فعلا قانون تافه بس برضو مش فاهمو كويس والحق بضل طبعا على الأهل لازم اذا حصل هيك اشي يكونو غطاء للبنت مش يهربو ويرمو بمسؤوليتهم

اكيد ضد هذا الزواج التعسفي والمنافي للاخلاق وعقوبه المجرم لا تتساوى مع فعلته الشنيعه شكرا مدير منتدانا لهذا الموضوع المهم جدا جدا

انا افضل ان تقتل اي أمرأة نفسها افضل من ان تتزوج مغتصبها

بس يا جماعة لو نرج على صلب الموضوع من اصلي يعني
هسا لو انو الرغبة الجنسية عند الكل مشبعة ما صار هيك وهيك وكمان انو اشباع الرغبة بساعد على الانتاج فقط
اكيد مما يؤدي الى التطور وازدهار البلد لناخذ الغرب المتطور لان عقولهم فقط منتجة وليس سوى ذلك
فنحن المسلمون غير مشغولون الى بالرغبة وحديث الشباب بهذه الصبية وكيف عجقة ومن هل حكي

اي غرب قصدك؟؟الغرب الي فيه الرغبه مشبعه لدرجه انو الطلاق نسبتو 62% ولا الغرب الي بلاقي الشذوذ الجنسي شئ عادي؟؟
اكيد قصدك عن الغرب الي عندو ماديات حلوه و مصاري اكيد.
طيب بلاش التعميم و اكيد بتحب التخصيص,قصدك امريكا؟؟؟لا والله حضاره راقيه جدا,ولا اوروبا؟؟؟لا المذابح الجماعيه و فن التعذيب مش موجود,و لا الحرب العالميه الاولى ولا الثانيه مسوهاش الغرب و لا حتى ابادو هنود حمر و لا خضر و لا الزرق ولا قنبله ذريه هذولا ماتو عطش اما بالنسبه لليهود لما نحرقو كان بالغلط من واحد مار و بيدو سيجاره و رماها غلط ........اه و6 مليون ماتو اوووب بلشت حرب اوووووووب ماتو 50 مليون.........بتعرف شو معناه 50 مليون؟؟؟
لا اكيد القصد عن الغرب المتحضر الي بدو انو نهجو يصير النهج العالمي الاوحد والناس تتصرف زي بعض.
فرنسا مثلا بتقلك في 46 منقبه و نحن كفرنسيين لا نسمح لان يتم ظلم المرأه و انها تغطي وجهها فمنشان هيك لازم يشلحو المنديل, بس الراهبات عادي باسم الحريه و الديمقراطيه بصير هيك.
ولا نرجع للسيد ماركس؟؟؟طب اذا ابوه غير ديانتو غصب عنو من اليهوديه للمسيحيه هل هاذ حضاره؟؟؟هل هاذي حضاره الي لازم تغير فيها معتقداتك؟؟؟!!!!
طب بلاش هاذ كلو و سؤال,شوة عيوب العرب؟؟؟؟؟؟او المسلمين او الاسلامويين يا سيدي و الشرق الاوسط؟؟؟الجنس؟؟؟حلو اعتبر انو المشكله بالجنس و الشباب مش قادره تتجوز و المجتمع مانعهم,و الاوروبيين هم الصح او الغرب هم الصح؟؟؟لا بديش اتجوز طول حياتي احسن من ان اكون في مجتمع لما اتزاعل مع مرتي تطلقني من ثاني يوم و باسم الحريه.
شو هالتقليد الاعمى؟؟؟

اذا العرب صار فيهم هيك و هاذا لفشل الشعوب و الرؤساء العرب و تهافت الغرب على مجتمع مهئ لان يحكم العالم بسبب امور ديموغرافيه لا يناقش فيها انسان مسلم او مسيحي او يهودي ,و حتى اذا بتلاقي انو الديانات السماويه امر خرافي اعتبر يا سيدي الطبيعه هي عامله كلشي بغض النظر شو اعتقاداتك في مسلمه هي انو الشرق الاوسط او بالاصح انو الوطن العربي مهئ لان يحكم العالم شئ بديهي.و لذلك ترى الحروب و الذل و الضجر من الحال و انحلال اخلاقي كمان بس عارفيين و شايفيين انو انحلال اخلاقي.
و الغرب ليس به الا تطور مادي اما المعنوي و الاخلاقي فلا بل انحلال جذري و بتجيبلي مشكله وحده عند العرب بالنسبه للاخلاق المنحله و انا بجيبلك 100 من الانحلال الاخلاقي في دول غربيه غنيه كمان.
نهايه نظريتك في حاله انك نجحت في تنفيذها ,و هذا امر مستحيل, و لكن فرضنا جدلا فالحال سيصلح كحال امريكا الجنوبيه مش اكثر.
تحياتي

اولا انا مش مقلد وبعدين ما في اش اقنعني للرد عليك ومثالي مو اوربا ولا امريكا يا ورد

بس انت رديت يا رزق هههههههههه

اه كمان مش بالضروري اني اقنعك, و لكن سوري اني فهمتك غلظ,انا فكرت قصدك بالغرب المتحضر اوروبا و امريكا,نسيت ان ممكن يكون القصد افريقبا و استراليا.تحياتي يا قمر

هدوا يا شباب وما بدنا يصير الرد شخصي ارجوكم